O Pleno do Concello, en sesión ordinaria do día 18 de xullo de 2018, adoptou o seguinte acordo:

«Primeiro. Aprobar inicialmente o instrumento de medidas de ordenación tramitado no expediente 16022/411, elaborado polos servizos técnicos municipais e asinado electronicamente en xuño de 2018, nomeado V4. Documento para aprobación inicial.

Segundo. Someter o instrumento inicialmente aprobado a información pública, polo prazo de vinte días, mediante anuncio que se publicará no Diario Oficial de Galicia, nun dos xornais de maior difusión na provincia, no Portal de transparencia e na sede electrónica municipal. Así mesmo, notificarase individualmente a todas as persoas titulares catastrais de terreos afectados. Durante o mesmo tempo en que se realiza o trámite de información pública, solicitaranse das administracións públicas competentes os informes sectoriais e as consultas que resulten preceptivos. Os informes sectoriais autonómicos deberán ser emitidos no prazo máximo dun mes, transcorrido o cal se entenderán emitidos con carácter favorable.

Terceiro. Declarar a suspensión, polo prazo máximo de dous anos, do procedemento de outorgamento de licenzas de parcelamento, edificación e demolición nos ámbitos do territorio en que as novas determinacións supoñan a modificación da ordenación urbanística vixente, nos termos previstos na lexislación vixente e de acordo co reflectido no resumo executivo incorporado ao instrumento de ordenación provisional inicialmente aprobado. Esta suspensión levantarase, en todo caso, unha vez aprobado definitivamente o dito instrumento».

O documento inicialmente aprobado recupera do PXOM 08 parte de solo urbano consolidado remitido ás ordenanzas 3, 4, 6, 7, 9, 10, 11, 12, 13, 14, 15 e 16 (AOP-02 Vista Alegre, AOP-03 Rosalía de Castro 1, AOP-04 Camilo J. Cela (Jacinto Benavente), AOP-08 Filipinas-Couto, AOP-09 San Gregorio, AOP-11 Tomás A. Alonso, AOP-12 Pastora, AOP-13 Arquitecto Palacios (Finca do Conde), AOP-15 Porto de Canido (Canido-Porto), AOP-16 Povisa, AOP-17 Avda. Atlántida (Sensat), AOP-18 Subida á Costa (Colina de Castrelos), AOP-20 Pitieira e AOP-21 Cordelerías Mar e dous ámbitos de solo urbano non consolidado: AOD A-3-10 Esturáns (Polígono II) e AOD A-3-37 Tomás Paredes. O expediente íntegro atoparase á disposición do público en xeral, durante o período de información pública, na páxina web do Concello de Vigo (http://hoxe.vigo.org/movemonos/urb_plan_gest_1aa.php?lang=gal#/), no portal de transparencia, así como no departamento municipal de Información da Xerencia de Urbanismo (sito na planta baixa do edificio da Xerencia de Urbanismo, praza do Rei, s/n), das 9.00 ás 13.30 horas, para a súa consulta e a presentación de cantos documentos ou escritos de alegacións consideren convenientes.

Vigo, 21 de agosto de 2018

O presidente da Xerencia Municipal de Urbanismo
P.D. (Resolución do 6.7.2015)
María José Caride Estévez
Vicepresidenta da Xerencia Municipal de Urbanismo