Segundo consta na acta correspondente do Pleno do Concello de Vilaboa, en sesión ordinaria do 27 de xullo de 2018, adoptou, entre outros, o acordo de aprobar inicialmente o Plan especial de infraestruturas e dotacións para acondicionamento de vivenda unifamiliar para albergue turístico no concello de Vilaboa, segundo proxecto redactado por Certivedra rehabilitación, e asinado con data 12 de xullo de 2018.

En virtude do disposto polo artigo 75 da Lei 2/2016, do 10 de febreiro, do solo de Galicia e polo artigo 186 do Decreto 143/2016, do 22 de setembro, polo que se aproba o regulamento da Lei 2/2016, o expediente de referencia queda sometido a información pública polo prazo de dous meses, contados a partir do día seguinte a aquel no que se produza a presente publicación no Diario Oficial de Galicia.

Durante o dito prazo as persoas interesadas poderán examinar o seu contido no Departamento de Urbanismo do Concello de Vilaboa (Toural-1/Vilaboa), de luns a venres, das 9.00 ás 14.00 horas, e presentar alegacións se o consideran oportuno.

Vilaboa, 5 de setembro de 2018

José Luis Poceiro Martínez
Alcalde