O director da Axencia de Protección da Legalidade Urbanística acordou, o 5 de xuño de 2018, incoar o expediente de reposición da legalidade urbanística en relación coas obras que implican grandes movementos de terra: construción de socalcos, desmontes e recheos, con alteración considerable da topografía natural do terreo e alterando máis de 3 metros a súa rasante natural. Estas obras en máis de tres metros da rasante natural do mesmo desmonte alteran considerablemente a topografía natural do terreo. O desmonte ocupa unha superficie aproximada en planta de 1.300 m2. Estas accións lévanse a cabo no lugar da Ribeira, no termo municipal do Barco de Valdeorras, provincia de Ourense.

Ao non poderse realizar a notificación persoal daquel acordo a Manuel Fernández Ares, mediante esta cédula, e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle ao interesado o dito acordo mediante un anuncio publicado no Boletín Oficial del Estado.

Tendo en conta que, en atención ao previsto no artigo 46 da Lei 39/2015, do 1 de outubro, do procedemento administrativo común das administracións públicas, o acto non se publica na súa integridade, comunícaselle ao interesado que o texto íntegro do acordo que se notifica está ao seu dispor nas dependencias da Axencia de Protección da Legalidade Urbanística, sita no Edificio Witland, 1º andar, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula no Boletín Oficial del Estado. Transcorrido o dito prazo sen efectuarse a comparecencia, a notificación entenderase producida.

O interesado dispón dun prazo de quince (15) días, contados a partir do día seguinte a aquel en que se producise a notificación desta cédula, para presentar os documentos e xustificacións que considere pertinentes e, se é o caso, propor proba concretando os medios de que pretenda valerse.

Para que conste e lle sirva de notificación ao citado interesado, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino esta cédula.

Santiago de Compostela, 2 de agosto de 2018

José Antonio Cerdeira Pérez
Director da Axencia de Protección da Legalidade Urbanística