Visto o expediente instruído para os efectos de transmisión da batea Places II e da concesión administrativa que a ampara, resulta:

a) Antecedentes de feito:

Primeiro. Mediante escrito do 5 de abril de 2018 José Manuel Bermúdez Collazo, en nome e representación da comunidade de herdeiros de Carmen Segade Segade, que faleceu o 6.4.2017, solicita autorización para transmisión mortis causa da concesión administrativa e da batea Places II.

Segundo. O solicitante presenta toda a documentación requirida para a tramitación deste tipo de procedementos.

b) Consideracións legais e técnicas:

Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.

Segunda. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administraciones públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde de 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).

Vistas as disposicións citadas, esta consellería resolve:

Autorizar a transmisión mortis causa a favor de José Bermúdez Segade (33224521D), María del Carmen Bermúdez Segade (33243467A), María José Bermúdez Segade (33279196J), Vanessa Bermúdez Nine (76968322H), Jorge Bermúdez Nine (76968321V) e Raquel Bermúdez Nine (52938250R) da concesión administrativa e da batea que se indica a seguir:

Identificación:

Tipo: batea.

Nome: Places II.

Localización:

Cuadrícula número: 26.

Polígono: C.

Distrito: Ribeira (A Coruña).

Especies autorizadas: mexillón (Mytilus galloprovincialis).

Título administrativo habilitante: concesión de actividade.

Orde de outorgamento: 24.2.1971.

Remate da vixencia: 15.12.2019.

Actuales titulares: Carmen Segade Segade e José Manuel Bermúdez Collazo (33111138Q- 33170131Z), 100 % ganancial.

Novos titulares: José Manuel Bermúdez Collazo (33170131Z) 12/24 privativo, José Bermúdez Segade (33224521D) 3/24 privativo, María del Carmen Bermúdez Segade (33243467A) 3/24 privativo, María José Bermúdez Segade (33279196J) 3/24 privativo, Vanessa Bermúdez Nine (76968322H) 1/24 privativo, Jorge Bermúdez Nine (76968321V) 1/24 privativo e Raquel Bermúdez Nine (52938250R) 1/24 privativo.

Os novos titulares da concesión administrativa subrógase nos dereitos y obrigas dos anteriores.

Contra a presente resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo ante a xurisdición contencioso-administrativa, que se interporá no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 e 124 da Lei 39/2015, do 1 de outubro, do procedemento administrativo común nas administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.

A Coruña, 17 de xullo de 2018

A conselleira do Mar
P.D. (Orde do 8.9.2017)
Juan Carlos Barreiro González
Xefe territorial da Coruña