Eu, María Jesús Hernando Arenas, letrada da Administración de xustiza do Xulgado do Social número 5 da Coruña, fago saber que no procedemento ordinario 317/2017 deste xulgado do social, seguido por instancia de Antonio Outerelo Salorio contra Campus Coruña, S.L., Fogasa sobre ordinario, se ditou a seguinte resolución 82/2018 cuxa parte dispositiva é:

«Que debo estimar e estimo a demanda que en materia de cantidade foi interposta por Antonio Outerelo Salorio, contra a entidade Campus Coruña, S.L. e, en consecuencia, debo condenar e condeno a entidade Campus Coruña, S.L. a que aboe ao demandante a cantidade de 5.674,41 € brutos por salarios percibidos durante a súa relación laboral (do 16 de agosto de 2016 ao 1 de decembro de 2016), con inclusión de parte proporcional de pagas extras, e compensación económica por vacacións non gozadas, das que se descontarán 300 € líquidos percibidos, incrementadas no xuro do 10 % por mora e aplicable aos conceptos salariais.

Coa intervención procesual do Fondo de Garantía Salarial.

Notifíquese a presente resolución ás partes e fágaselles saber o seu dereito a interpoñer contra esta recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

En todo caso, o recorrente deberá designar letrado para a tramitación do recurso, ao momento de anuncialo.

E, para que sirva de notificación en legal forma a Campus Coruña, S.L., en ignorado paradoiro, expido o presente para a súa inserción no Diario Oficial de Galicia».

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 1 de xuño de 2018

A letrada da Administración de xustiza