Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 151 Mércores, 8 de agosto de 2018 Páx. 36815

V. Administración de xustiza

Xulgado do Social número 2 de Santiago de Compostela

EDICTO (PO 393/2016).

PO. Procedemento ordinario 393 /2016

Procedemento de orixe: sobre ordinario

Demandante: Mónica Santos Carrillo

Avogada: María Sol Romero Salgado

Demandados: Maboi RRHH, S.L., Perroflauta Producciones, S.L. e Flozep Tech, S.L.

Eu, Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fago saber que mediante resolución ditada no día da data, no proceso seguido por instancia de Mónica Santos Carrillo contra Maboi RRHH, S.L., Perroflauta Producciones, S.L. e Flozep Tech, S.L., en reclamación por ordinario, rexistrado co número de procedemento ordinario 393/2016, se acordou, en cumprimento do que dispón o artigo 59 da Lei reguladora da xurisdición social (LXS), citar a Maboi RRHH, S.L., Perroflauta Producciones, S.L. e Flozep Tech, S.L., en ignorado paradoiro, co fin de que compareza o día 27 de setembro de 2018, ás 9.45 e 9.50 horas, na planta baixa, sala de vistas, Edificio dos Xulgados, para a celebración dos actos de conciliación e, de ser o caso, xuízo. Poderá comparecer persoalmente ou mediante persoa legalmente apoderada e deberá acudir con todos os medios de proba de que intente valerse, coa advertencia de que é única convocatoria e que os ditos actos non se suspenderán por falta inxustificada de asistencia.

Advírteselles ás destinatarias que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

En caso de que pretendan comparecer ao acto do xuízo asistidas de avogado ou representadas tecnicamente por graduado social colexiado, ou representadas por procurador, porán esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención á demandante, poida esta estar representada tecnicamente por graduado social colexiado ou representada por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

Para que sirva de citación a Maboi RRHH, S.L., Perroflauta Producciones, S.L. e Flozep Tech, S.L., expídese esta edicto para a súa publicación no Diario Oficial de Galicia e colocación no taboleiro de anuncios.

Santiago de Compostela, 11 de xullo de 2018

A letrada da Administración de xustiza