Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 78/2018 deste xulgado do social, seguido por instancia de Miguel Ángel Castro Lago contra Fernández Concesionario, S.L. e Fogasa, se ditou a seguinte resolución cuxa parte dispositiva é do teor literal seguinte:
«Decreto.
Letrada da Administración de xustiza María Teresa Vázquez Abades.
Santiago de Compostela, 22 de xuño de 2018.
Parte dispositiva.
Acordo:
a) Declarar o executado Fernández Concesionario, S.L. en situación de insolvencia total por importe de 3.540,14 euros en concepto de principal (2.745,75 euros en concepto de salarios, liquidación de saldo e liquidación da relación laboral, e 794,39 euros en concepto de xuros do artigo 29.3 do ET respecto da cantidade anterior) e de 354,01 euros que se fixan provisionalmente en concepto de xuros que, se é o caso, se poidan percibir durante a execución e as custas desta, sen prexuízo da súa posterior liquidación, insolvencia que se entenderá para todos os efectos como provisional.
b) Arquivar as actuacións logo de anotación no libro correspondente, sen prexuízo de reaperturar a execución, se a partir deste momento se coñecen novos bens do executado.
c) Unha vez asine a presente resolución, procédase á súa inscrición no rexistro correspondente.
d) Expedir os testemuños das resolucións procedentes que se entregarán á parte executante na oficina xudicial deste xulgado.
Modo de impugnación: contra a presente resolución cabe recurso directo de revisión que se deberá interpoñer perante quen dita a resolución no prazo de tres días hábiles seguintes á notificación desta con expresión da infracción cometida nesta a xuízo do recorrente, artigo 188 da LXS.
A letrada da Administración de xustiza».
E para que sirva de notificación en legal forma a Fernández Concesionario SL, en ignorado paradoiro, expido o presente para a súa inserción no Diario Oficial de Galicia.
Santiago de Compostela, 22 de xuño de 2018
A letrada da Administración de xustiza
