Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 66/2018 deste xulgado do social, seguido por instancia de María Parrado Bermúdez contra María Dolores Ferreiro Varela, Fogasa, se ditou a seguinte resolución:
«Dilixencia de ordenación.
Letrada da Administración de xustiza: María Teresa Vázquez Abades.
Santiago de Compostela, 13 de xuño de 2018.
Por recibida dilixencia negativa do Servizo Común de Notificacións e Embargos por non responder ninguén no domicilio deixando nota de aviso, únase aos autos da súa razón, e non constando máis domicilios da executada practíquese a notificación a través de edictos.
Acórdase a suspensión da comparecencia prevista para o día 22 de xuño de 2018 e procédese a sinalar nova data para a súa realización o próximo día 11 de setembro de 2018 ás 11.45 horas na Sala de Audiencias número 1 deste xulgado sita na rúa Berlín, s/n, polígono das Fontiñas, coas advertencias legais e facéndolle saber que debe asistir cos medios de proba de que intenten valerse.
Sírvalles de citación a notificación da presente resolución ás partes.
Modo de impugnación: mediante recurso de reposición, que se interporá no prazo de tres días hábiles seguintes á súa notificación ante o/a letrado da Administración de xustiza que dita esta resolución, con expresión da infracción que a xuízo do recorrente contén, sen que a interposición do recurso teña efectos suspensivos con respecto á resolución impugnada.
A letrada da Administración de xustiza».
E para que lle sirva de notificación en legal forma a María Dolores Ferreiro Varela, en ignorado paradoiro, expido o presente para a súa inserción no Diario Oficial de Galicia.
Santiago de Compostela, 18 de xuño de 2018
A letrada da Administración de xustiza