O acordo de concentración parcelaria da zona da Órrea-Galegos (Riotorto-Lugo) foi aprobado pola dirección xeral competente por razón da materia, o 25 de febreiro de 2011, foi publicado e notificado na forma legalmente establecida e na actualidade está pendente de firmeza.
Con posterioridade a estes actos, o Concello de Riotorto solicitou a cesión da titularidade dos predios que a continuación se indican para os fins que se sinalan:
Predios nos 45, 118, 289, 362-1, 436, 465, 579, 589, 706, 737, 751, 837-1, 859 e 899 para depósitos de madeira.
Predios nos 82, 625, 626, 1178 e 1179 para campo da festa.
Predios nos 252 e 290 para contorno das fontes públicas.
Predios nos 521 e 734 para depósitos de plásticos.
Predio nº 1367 para a escola de Galegos.
Predios nos 1027 e 1042 para depósitos de auga.
Predio nº 1295 para aparcadoiro.
Vista a proposta da Xunta Local da zona, a disposición transitoria primeira da Lei 4/2015, do 17 de xuño, de mellora da estrutura territorial agraria de Galicia; a Lei de reforma e desenvolvemento agrario, do 12 de xaneiro de 1973; a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro; a Lei 6/2011, do 13 de outubro, de mobilidade de terras; a Lei 39/2015, do 1 de outubro, do procedemento administrativo común das administracións públicas, e demais disposicións vixentes de aplicación ao caso.
Á vista dos destinos para os cales se solicitan os referidos predios, e respecto dos que son perfectamente subsumibles no suposto recollido no artigo 32 da dita lei galega, esta dirección xeral
RESOLVE:
Primeiro. Modificar o acordo de concentración parcelaria da zona da Órrea-Galegos (Riotorto-Lugo), no sentido de adxudicar ao Concello de Riotorto a titularidade dos predios nos 45, 118, 289, 362-1, 436, 465, 579, 589, 706, 737, 751, 837-1, 858, 899, 82, 625, 626, 1178, 1179, 252, 290, 521, 734, 1367, 1027, 1042 e 1295- que causan baixa no fondo de terras da zona- para seren destinados aos fins que se recollen na parte expositiva desta resolución.
Segundo. Transcorridos cinco anos desde a cesión das propiedades, sen que os predios fosen destinados aos fins para os cales son adxudicados, a titularidade dos referidos predios reverterá sobre o fondo de terras ou masa común da zona, o patrimonio da Comunidade Autónoma, a Axencia Galega de Desenvolvemento Rural (Agader) ou outra entidade que corresponda, segundo o caso.
Lugo, 26 de xuño de 2018
María Olga Iglesias Fontal
Xefa territorial de Lugo