Asunto. Información pública polo prazo de dous meses contados desde a publicación no Diario Oficial de Galicia da aprobación inicial da modificación puntual do polígono 2 do SAU 11, de conformidade co artigo 75.1.a) da Lei 2/2016, de 10 de febreiro, do solo de Galicia, e co artigo 186.1.a) do Regulamento.
Este anuncio tamén se publica no xornal El Correo Gallego e na sede electrónica deste concello (enderezo: https://sede.concellodemelide.org/gl/)
A Xunta de Goberno local, na sesión ordinaria do 25 de maio de 2018, adoptou, entre outros, o seguinte acordo, que se publica en extracto:
Primeiro. Aprobar inicialmente a modificación puntual do polígono 2 do SAU 11 con base no documento presentado con data 14.5.2018 e nº de rexistro de entrada 1420 por Juan Carlos Casal Vázquez titulado Modificación puntual Polígono 2 SAU11 Melide (A Coruña) aprobación inicial. Promotor: Juan Carlos Casal Vázquez e Eladio Casal Vázquez. Situación: sector 2-SAU 11, 15800 Melide (A Coruña), redactado polo arquitecto Santiago Muñiz Gómez. A Coruña, maio 2018.
Segundo. Abrir un período de información pública durante o prazo mínimo de dous meses.
Terceiro. Suspender o outorgamento de licenzas naqueles ámbitos do territorio obxecto do plan cuxas novas determinacións supoñan a modificación da ordenación urbanística vixente. (…) A duración da suspensión é de dous anos, contados desde a aprobación inicial, e extínguese, en todo caso, coa aprobación definitiva do plan. As ditas áreas afectadas pola suspensión son as seguintes: na epígrafe Planos do índice consta o punto 8. (Suspensión de licenza) do documento de aprobación inicial. Conforme o documento de aprobación inicial, a modificación puntual abrangue o ámbito do solo urbano do POL-2 do SAU 11, mantendo a súa delimitación e incorporando a ordenación detallada do polígono 2. Será neste ámbito onde están suspendidas as licenzas tras a aprobación inicial do orzamento. A delimitación da área recóllese definida no plano 1 que consta no documento de aprobación inicial.
Durante o devandito prazo o expediente poderá ser examinado por calquera interesado nas dependencias municipais, para que se formulen as alegacións que se consideren pertinentes.
Melide, 19 de xuño de 2018
Dalia García Couso
Alcaldesa