A Xunta de Goberno da cidade de Santiago de Compostela, na sesión ordinaria que tivo lugar o día 25 de maio de 2018, adoptou, entre outros, o seguinte acordo:
a) Aprobar inicialmente o estudo de detalle da parcela N4a01c do parque empresarial da Sionlla (SUND-40), segundo o proxecto presentado o 12.4.2018 por Terras de Sar, S.L., redactado por Naos 04 Arquitectos, S.L.P. O proxecto supón a modificación do estudo de detalle en vigor na citada parcela, que fora aprobado definitivamente polo Pleno municipal con data 19.10.2017.
A parcela localízase na confluencia das rúas de Andalucía e de Castela e León, e no Catastro figura coa referencia 0101913NH4500A0000IH.
b) En aplicación do procedemento regulado polos artigos 80.2 da LSG e 194 do seu regulamento, o estudo de detalle inicialmente aprobado someterase a información pública durante o prazo dun mes, mediante anuncios que para o efecto se publicarán no Diario Oficial de Galicia e nun xornal dos de maior circulación na provincia. Simultaneamente, practicarase notificación individual aos titulares catastrais das parcelas afectadas.
Durante o trámite de información pública solicitarase o informe do director xeral de Patrimonio Cultural, en cumprimento do exixido polo artigo 34.2 da Lei 5/2016, do patrimonio cultural de Galicia.
O que se publica co fin de que, durante o prazo dun mes contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará ao dispor dos interesados no Servizo de Planeamento e Xestión do Concello de Santiago (Pazo de Raxoi, 2º andar), de luns a venres, das 9.00 ás 14.00 horas; e na páxina web do Concello http://transparencia.santiagodecompostela.gal/Estudo-de-detalle-da-parcela-N4a01c-do-quinteiro-N-do-SUNP-40-Parque-empresarial-da-Sionlla/gl
Santiago de Compostela, 5 de xuño de 2018
O alcalde
P.D. (Decreto do 30.5.2018)
Xan Xesús Duro Fernández
Concelleiro delegado de Medio Ambiente e Convivencia