Intentadas as notificacións das resolucións ditadas polo xefe territorial da Consellería de Economía, Emprego e Industria de Ourense, polas cales se acorda a procedencia de reintegro da subvención, e non sendo posible a súa práctica, por medio desta cédula, e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, as notificacións que non se puideron efectuar faranse por medio de anuncio no Boletín Oficial del Estado (BOE), e a súa eficacia quedará condicionada á súa publicación no taboleiro de edictos único (TEU) do Boletín Oficial del Estado (BOE).
Así mesmo, fáiselles saber que a dita resolución pon fin á vía administrativa e que contra ela cabe intepoñer recurso contencioso-administrativo no prazo de dous meses, que comezará a contar a partir do día seguinte ao da publicación deste anuncio no Boletín Oficial del Estado (BOE), ante a Sala do Contencioso-Administrativo do Tribunal Superior de Xustiza de Galicia, así como, con anterioridade e con carácter potestativo, poderán interpoñer recurso de reposición no prazo dun mes, que comezará a contar a partir do día seguinte ao da publicación no BOE, ante esta xefatura territorial. Todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 39/2015, do 1 de outubro, do procedemento administrativo común das administracións públicas.
Sen prexuízo do anterior, e en virtude do disposto no artigo 44 da Lei 39/2015, do 1 de outubro, este anuncio publícase no Diario Oficial de Galicia.
Os interesados, durante este prazo poderán presentarse ante o Servizo de Emprego e Economía Social da Xefatura Territorial da Consellería de Economía, Emprego e Industria en Ourense, situado na avenida da Habana, 79, 7º andar, en Ourense, das 9.00 ás 14.00 horas, de luns a venres, para os efectos de coñeceren integramente o contido da resolución ditada polo xefe territorial.
Advírteselles aos interesados que, se non interpoñen o recurso en tempo e forma, a resolución adquirirá firmeza.
Ourense, 16 de abril de 2018
Santiago Álvarez González
Xefe territorial de Ourense
ANEXO
Expediente: TR348A 2010/80-3.
Solicitante: Mª Olivia dos Santos Ribeiro.
Concello: Ourense.
Materia: contratación indefinida inicial de colectivos desfavorecidos.
Precepto infrinxido: base sétima, anexo A, da Orde do 4 de maio de 2010 (DOG núm. 86, do 7 de maio).
Contido da resolución: acordo de procedencia de reintegro da axuda concedida.
Expediente: TR341D 2010/891-3.
Solicitante: Mónica García García.
Concello: Ourense.
Materia: subvención polo establecemento como traballador/a autónomo/a ou por conta propia.
Precepto infrinxido: artigo 17, número 1a), do capítulo IV da Orde do 22 de abril de 2010 (DOG do 28 de abril).
Contido da resolución: acordo de procedencia de reintegro da axuda concedida.
Expediente: TR341D 2010/892-3.
Solicitante: Mónica García García.
Concello: Ourense.
Materia: axuda excepcional.
Precepto infrinxido: artigo 17, número 1a), do capítulo IV da Orde do 22 de abril de 2010 (DOG do 28 de abril).
Contido da resolución: acordo de procedencia de reintegro da axuda concedida.
