Mediante a Resolución do 15 de febreiro de 2018 (DOG núm. 41, do 27 de febreiro), establecéronse as bases reguladoras para a concesión dunha bolsa de formación na Escola Galega do Consumo, dependente do Instituto Galego do Consumo e da Competencia, e procedeuse á súa convocatoria para o ano 2018.

Unha vez concluído o prazo de presentación de instancias e avaliadas as solicitudes presentadas, de acordo cos criterios fixados no artigo 7 das bases reguladoras, a comisión de valoración elevou a persoa proposta para a concesión da bolsa e a lista de reserva para o caso de non aceptación ou renuncia da bolsa concedida.

En virtude do anterior, e de conformidade co establecido no artigo 19.2 das bases reguladoras,

RESOLVO:

Primeiro. Concederlle a bolsa de formación na Escola Galega do Consumo, dependente do Instituto Galego do Consumo e da Competencia, á persoa beneficiaria que se relaciona no anexo I desta resolución.

A bolsa estará dotada con 900 euros brutos por mes.

Segundo. Establecer a lista de reserva, por orde de prelación, que se indica no anexo II desta resolución para o caso de non aceptación ou renuncia da bolsa concedida.

Terceiro. Inadmitir as solicitudes presentadas polas persoas que se relacionan no anexo III desta resolución, por non cumprir cos requisitos exixidos no artigo 5 das bases reguladoras.

Cuarto. Desestimar as demais solicitudes presentadas ao abeiro do establecido nos artigos 6 e 17 das bases reguladoras (anexo IV).

Quinto. Dispoñer gastos mediante a expedición dos correspondentes documentos contables con cargo ás partidas orzamentarias 09.80.613A.480.0, «formación en materia de educación para o consumo responsable» e 09.80.613A.484.0, «cotas Seguridade Social bolseiros» dos orzamentos xerais da Comunidade Autónoma para o ano 2018, e que se destinarán ao pagamento da persoa bolseira e das cotas da Seguridade Social.

A contía da bolsa calcúlase desde a data de incorporación da persoa beneficiaria ata o 31 de decembro de 2018.

Sexto. A persoa beneficiaria deberá comunicar a súa aceptación ou renuncia no prazo máximo de cinco días hábiles contados desde o seguinte ao da notificación desta resolución.

Despois de transcorrer o dito prazo, se a persoa beneficiaria non se declara en ningún sentido, entenderase que renuncia á bolsa.

No caso de que a persoa beneficiaria non acepte a bolsa, non se poida incorporar por calquera outro motivo ou renuncie á bolsa, poderá ser substituída polas persoas que figuran na lista de reserva en función da orde de prelación.

Sétimo. A persoa beneficiaria da bolsa terá as obrigas establecidas no artigo 24 das bases reguladoras, «Obrigas da persoa beneficiaria».

Contra esta resolución, que pon fin á vía administrativa, cabe interpoñer recurso potestativo de reposición ante o órgano que a ditou, no prazo dun mes contado desde o día seguinte ao da súa publicación no Diario Oficial de Galicia, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses que se contarán desde a mesma data. En todo caso, non se poderá interpoñer recurso contencioso-administrativo ata que sexa resolto expresamente ou se produza a desestimación presunta do recurso de reposición.

Notifíqueselle esta resolución ás persoas interesadas.

Santiago de Compostela, 4 de xuño de 2018

Sol Mª Vázquez Abeal
Directora do Instituto Galego do Consumo e da Competencia

ANEXO I

Persoa beneficiaria da bolsa de formación na Escola Galega do Consumo

Nº expediente	Solicitante
IN117A/18/9	Rodríguez Torres, Isabel

ANEXO II

Lista de persoas suplentes, por orde de prelación, para cubrir as vacantes

que se poidan producir por non aceptación ou renuncia da bolsa concedida

Orde	Nº expediente	Solicitante
1	IN117A/18/4	Pérez Rodríguez, Clara
2	IN117A/18/23	Rodríguez Morodo, María
3	IN117A/18/15	Mantilla García, Vanesa
4	IN117A/18/22	Cortiñas Pérez, Miriam
5	IN117A/18/11	Vila Ferreiro, Óscar
6	IN117A/18/17	González Pena, Adela
7	IN117A/18/5	Blanco Novoa, Ángel

ANEXO III

Lista de solicitudes non admitidas

Nº expediente	Apelidos	Nome	Causa/s non admisión
IN118A/18/1	Barrera Toba	Carlota	Artigo 5.c) das bases reguladoras
IN118A/18/3	Santos Pardo	Iria	Artigo 5.c) das bases reguladoras
IN118A/18/6	Dacunha Pazos	Alberto	Artigo 5.c) das bases reguladoras
IN118A/18/7	Riveiro Francisco	Verónica	Artigo 5.c) das bases reguladoras
IN118A/18/12	Mouriño Castro	Idoia	Artigo 5.d) das bases reguladoras
IN118A/18/13	Cabral Mo	Soledad	Artigo 5.c) das bases reguladoras
IN118A/18/14	Castro García	Raquel	Artigo 5.c) das bases reguladoras
IN118A/18/16	Pazos Pérez	Juan Manuel	Artigo 5.c) das bases reguladoras
IN118A/18/18	Canabal Cerdeira	Noemí	Artigo 5.c) das bases reguladoras
IN118A/18/28	Alonso Salgado	Cristina	Artigo 5.c) das bases reguladoras

ANEXO IV

Lista de solicitudes desestimadas

Nº expediente	Apelidos	Nome	Causa/s de desestimación
IN118A/18/27	Díaz Vázquez	Elvia	Artigos 6 e 17 das bases reguladoras
IN118A/18/25	Eirís Rey	Ana	Artigos 6 e 17 das bases reguladoras
IN118A/18/21	García Fernández	Alberto	Artigos 6 e 17 das bases reguladoras
IN117A/18/26	López Fernández	Raquel	Artigo 17.3 das bases reguladoras
IN118A/18/2	Martínez Corral	Antía	Artigos 6 e 17 das bases reguladoras
IN118A/18/31	Morado Vázquez	Beatriz	Artigos 6 e 17 das bases reguladoras
IN118A/18/19	Moreira Lavandeira	María del Carmen	Artigos 6 e 17 das bases reguladoras
IN118A/18/10	Mosquera Vázquez	Arantzazu	Artigos 6 e 17 das bases reguladoras
IN118A/18/20	Palmeiro Ojeros	Tatiana	Artigos 6 e 17 das bases reguladoras
IN118A/18/30	Ramos Martínez	Diana	Artigos 6 e 17 das bases reguladoras
IN118A/18/29	Rodríguez Doutón	Jorge Esteban	Artigos 6 e 17 das bases reguladoras
IN118A/18/8	Rodríguez García	María	Artigos 6 e 17 das bases reguladoras
IN117A/18/24	Vázquez Agulla	Laura	Artigo 17.3 das bases reguladoras