En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de organizacións sindicais e empresariais desta secretaría xeral se acordou depositar o acordo de modificación do artigo 5 dos estatutos da Asociación Galega de Empresas de Xardinería (Agaexar), que consiste no cambio de domicilio social, que pasa a ser no polígono de Costa Vella; rúa República Checa, nº 40, 15707 Santiago de Compostela.
– Ámbito territorial: Comunidade Autónoma de Galicia.
– Ámbito profesional: poderán ser membros as empresas vinculadas ao sector de xardinaría que observen o cumprimento destes estatutos.
Asinantes: Víctor Mario Pérez Vilar e José Ignacio Taboada Suárez.
Santiago de Compostela, 5 de xuño de 2018
Covadonga Toca Carús
Secretaria xeral de Emprego