No Boletín Oficial da provincia núm. 102, do 29 de maio de 2018, publicáronse as bases xerais e específicas de varios procesos selectivos convocados para cubrir as seguintes prazas vacantes no cadro de persoal funcionario da Deputación de Pontevedra, incluídas na oferta de emprego público dos anos 2016 e 2017, pola quenda de promoción interna:
– Unha praza de arquiveira ou arquiveiro bibliotecario, encadrada na escala de Administración especial, subescala técnica, integrada no grupo A1, pola quenda de promoción interna.
– Unha praza de técnica ou técnico de xestión tributaria, encadrada na escala de Administración especial, subescala técnica, integrada no grupo A1, pola quenda de promoción interna.
– Tres prazas de técnica ou técnico auxiliar en educación diúrna, encadradas na escala de Administración especial, subescala técnica, clase auxiliar, integradas no grupo C1, pola quenda de promoción interna horizontal.
– Dúas prazas de técnica ou técnico informático de nivel 3, encadradas na escala de Administración especial, subescala técnica, clase técnico auxiliar, integradas no grupo C1, pola quenda de promoción interna.
– Catro prazas de condutora ou condutor maquinista, encadradas na escala de Administración especial, subescala de servizos especiais, clase persoal de oficios, integradas no grupo C1, pola quenda de promoción interna.
– Dúas prazas de vixilante de mobilidade, encadradas na escala de Administración especial, subescala de servizos especiais, clase persoal de oficios, integradas no grupo C1, pola quenda de promoción interna.
– Unha praza de oficiala ou oficial agrícola, encadrada na escala de Administración especial, subescala de servizos especiais, clase persoal de oficios, integrada no grupo C2, pola quenda de promoción interna.
– Unha praza de subalterna ou subalterno, encadrada na escala de Administración xeral, subescala subalterna, integrada no grupo E, pola quenda de promoción interna horizontal.
O prazo de presentación de solicitudes será de 20 días naturais contados desde o día seguinte ao da publicación deste anuncio no Boletín Oficial del Estado.
Os sucesivos anuncios referentes a esta convocatoria, cando procedan de conformidade coas bases, faranse públicos no Boletín Oficial da provincia.
Pontevedra, 29 de maio de 2018
A presidenta da Deputación Provincial de Pontevedra
P.D. (Resolución presidencial 2016007829, do 25.4.2016)
Carlos López Font
Deputado delegado de Economía, Facenda e Réxime Interior
