No Boletín Oficial da provincia núm. 102, do 29 de maio de 2018, publicáronse as bases xerais e específicas de varios procesos selectivos convocados para cubrir as seguintes prazas vacantes no cadro de persoal funcionario da Deputación de Pontevedra, incluídas na oferta de emprego público dos anos 2016 e 2017, pola quenda libre:
– Unha praza de enxeñeira ou enxeñeiro de xeomática e xeometría, encadrada na escala de Administración especial, subescala técnica, clase técnico superior, integrada no grupo A1, pola quenda libre.
– Unha praza de psicóloga ou psicólogo, encadrada na escala de Administración especial, subescala técnica, clase técnico superior, integrada no grupo A1, pola quenda libre.
– Unha praza de traballadora ou traballador social, encadrada na escala de Administración especial, subescala técnica, clase técnico medio, integrada no grupo A2, pola quenda libre.
– Unha praza de técnica ou técnico en formación e emprego, encadrada na escala de Administración especial, subescala técnica, clase técnico medio, integrada no grupo A2, pola quenda libre.
– Tres prazas de técnica ou técnico de laboratorio, encadrada na escala de Administración especial, subescala técnica, clase técnico medio, integrada no grupo A2, pola quenda libre.
– Unha praza de técnica ou técnico en saúde ambiental, encadrada na escala de Administración especial, subescala técnica, clase técnico auxiliar, integrada no grupo C1, pola quenda libre.
– Unha praza de técnica ou técnico auxiliar de tradución, encadrada na escala de Administración especial, subescala técnica, clase técnico auxiliar, integrada no grupo C1, pola quenda libre.
– Tres prazas de oficiala ou oficial de cociña, encadradas na escala de Administración especial, subescala servizos especiais, clase persoal de oficios, integrada no grupo C2, pola quenda libre.
– Dúas prazas de oficiala ou oficial de comedor, encadradas na escala de Administración especial, subescala servizos especiais, clase persoal de oficios, integradas no grupo C2, pola quenda libre.
O prazo de presentación de solicitudes será de 20 días naturais contado desde o día seguinte ao da publicación deste anuncio no Boletín Oficial del Estado.
Os sucesivos anuncios referentes a esta convocatoria, cando procedan de conformidade coas bases, faranse públicos no Boletín Oficial da provincia.
Pontevedra, 29 de maio de 2018
A presidenta da Deputación Provincial de Pontevedra
P.D. (Resolución presidencial 2016007829, do 25.4.2016)
Carlos López Font
Deputado delegado de Economía, Facenda e Réxime Interior