O máster universitario en Bioinformática para Ciencias da Saúde obtivo a verificación do plan de estudos polo Consello de Universidades, previo informe favorable da Axencia para a Calidade do Sistema Universitario de Galicia, e a autorización da Comunidade Autónoma de Galicia para a súa implantación. Por Acordo do Consello de Ministros do 7 de outubro de 2016 estableceuse o carácter oficial do título e a súa inscrición no Rexistro de Universidades, Centros e Títulos (RUCT) (publicado no Boletín Oficial del Estado, BOE do 26 de outubro, por Resolución da Secretaría Xeral de Universidades do 14 de outubro de 2016).

Polo exposto, de conformidade co disposto no artigo 35.4 da Lei orgánica 6/2001, de universidades, na redacción dada pola Lei orgánica 4/2007,

RESOLVO:

Publicar o plan de estudos conducente á obtención do título de máster universitario en Bioinformática para Ciencias da Saúde pola Universidade da Coruña, que se estrutura segundo consta no anexo.

A Coruña, 30 de abril de 2018

Julio E. Abalde Alonso
Reitor da Universidade da Coruña

ANEXO

Plan de estudos conducente á obtención do título de máster universitario
en Bioinformática para Ciencias da Saúde pola Universidade da Coruña

Código RUCT: 4315703.

Estrutura das ensinanzas (Real decreto 1393/2007, anexo I, número 5.1).

1. Rama de coñecemento a que se adscribe o título: Enxeñaría e Arquitectura.

2. Distribución do plan de estudos en créditos ECTS, por tipo de materia:

Tipo de materia	Créditos ECTS
Obrigatorias (OB)……..….……………...………	48
Optativas (OP)…..……….………………………	30
Traballo fin de máster (TFM)………..…....……	12
Total……………………………………………….	90

3. Contido do plan de estudos.

1º curso.

Módulo	Materia	Carácter	Créditos ECTS
Optativo, en función do título de acceso (3 materias)	Introdución á Programación	OP	6
	Introdución ás Bases de Datos	OP	6
	Fundamentos de Intelixencia Artificial	OP	6
	Introdución á Bioloxía Molecular	OP	6
	Xenética e Evolución Molecular	OP	6
	Xenómica	OP	6
Común	Probabilidade, Estatística e Elementos de Biomatemática	OB	6
	Fundamentos de Bioinformática	OB	6
	Métodos Estatísticos Avanzados en Bioinformática	OB	6
	Análise de Imaxes Biomédicas	OB	6
	Computación de Altas Prestacións en Bioinformática	OB	6
	Intelixencia Computacional para Bioinformática	OB	6
	Estruturas de Datos e Algoritmia para Secuencias Biolóxicas	OB	6

2º curso.

Módulo	Materia	Carácter	Créditos ECTS
Orientación 1: Bioinformática en Ciencias da Saúde	Enxeñaría Biomecánica, Sensorización e Telemedicina	OP	3
	Fundamentos de Neurociencia	OP	3
	Neuroenxeñaría e Innovación en Neurociencia	OP	3
	Sistemas de Información Sanitaria	OP	3
	Prácticas en Empresa	OP	3
Orientación 2: TIC en Bioinformática	Visualización Médica Avanzada	OP	3
	Procesamento Avanzado de Secuencias Biolóxicas	OP	3
	Aplicacións e Tendencias en Bioinformática e Enxeñaría Biomédica	OP	3
	Xestión do Coñecemento Biomédico	OP	3
	Prácticas en Empresa	OP	3
Común	Deseño e Xestión de Proxectos de Investigación	OB	3
	Intelixencia Computacional para Datos de Alta Dimensionalidade	OB	3
	Traballo fin de máster	TFM	12

Do módulo optativo en función do título de acceso é necesario realizar 18 créditos dos 36 ofertados, para o que a comisión do máster recomendaralle ao alumnado, dependendo do título de procedencia, cursar 3 determinadas materias.

O máster consta de dúas orientacións que se deben entender como dúas posibles vías formativas. O alumnado pode elixir unha desas orientacións e realizar 4 das 5 materias optativas que se ofertan por orientación, ou ben realizar unha opción mixta en que o alumnado ten que escoller 4 materias das 9 optativas que se ofertan entre as dúas orientacións (hai unha materia optativa común ás dúas orientacións).

Os 12 créditos optativos correspondentes ás 4 materias citadas no parágrafo anterior, xunto cos 18 créditos do módulo optativo en función do título de acceso sumarán os 30 créditos optativos necesarios neste máster para obter o título.

A unidade temporal de todas as materias é cuadrimestral e existe un equilibrio de créditos entre cuadrimestres, que deberá ser respectado no caso de producirse unha modificación da organización temporal das materias.

4. Condicións de terminación.

O alumnado deberá superar 90 créditos ECTS, distribuídos como se indica nos puntos 2 e 3, para obter o título de máster universitario en Bioinformática para Ciencias da Saúde.