A persoa titular do Servizo de Mobilidade de Pontevedra acordou a incoación do expediente sancionador PO-00246-O-2018 e de catro máis por infracción da normativa sobre transporte terrestre.

Intentada a notificación do acordo de incoación por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanselles os acordos de incoación ditados ás persoas interesadas.

Son informados de que os expedientes sancionadores están á súa disposición nas oficinas do Servizo de Mobilidade da Xefatura Territorial de Pontevedra.

Outórgaselles un prazo quince (15) días hábiles, contado desde o día seguinte ao da publicación deste anuncio no BOE, para alegaren o que consideren conveniente, presentando ou propoñendo as probas que consideren oportunas.

No suposto de que decidan voluntariamente pagar a sanción antes de que transcorran trinta (30) días contados desde o seguinte ao da publicación deste anuncio no BOE, a súa contía reducirase nun 30 % na forma prevista no artigo 146.3 da Lei 16/1987, do 30 de xullo, de ordenación dos transportes terrestres. A realización do dito pagamento implica a conformidade cos feitos denunciados, a renuncia a formular alegacións por parte da persoa interesada e a terminación do procedemento sancionador.

Pontevedra, 25 de abril de 2018

José Jorge Martínez Fernández
Xefe do Servizo de Mobilidade de Pontevedra

ANEXO

Expediente Matrícula	Denunciado DNI/CIF	Infracción denunciada Data-Hora-Estrada-p.q.	Precepto cualificador	Precepto sancionador	Sanción proposta
PO-00246-O-2018 4442-HHM	Tamara Jabasini Cañizares 47528206V	Non levar a bordo do vehículo a documentación formal que acredite a posibilidade legal de prestar o servizo. 26.10.2017; 18.38; N-550; 145,0	Art. 142.8 da LOTT	Art. 143.1.b) da LOTT	201 euros
PO-00628-S-2018 1130BPH	Diego José Glez. Larrañaga 36095543X	Atenuante. Realizar transporte público de mercadorías en vehículo lixeiro carecendo de título habilitante. 24.11.2017; 10.30; avda. Madrid con rúa Gandarón	Art. 141.25 en relación co art. 140.1 da LOTT	Art. 143.1.k) en relación coa letra f) da LOTT	801 euros
PO-00740-O-2018 1618-FZY	Manuel Álvarez Rodríguez 13051358P	Atenuante. Realizar transporte público de mercadorías en vehículo lixeiro carecendo de título habilitante. 22.11.2017; 09.05; A-55; 1,3	Art. 141.25 en relación co art. 140.1 da LOTT	Art. 143.1.k) en relación coa letra f) da LOTT	801 euros
PO-00741-O-2018 0061-BRD	Manuel Álvarez Rodríguez 13051358P	Atenuante. Realizar transporte público de mercadorías en vehículo lixeiro carecendo de título habilitante. 27.11.2017; 13.37; PO-511; 0,5	Art. 141.25 en relación co art. 140.1 da LOTT	Art. 143.1.k) en relación coa letra f) da LOTT	801 euros
PO-01883-O-2017 PO-7005-AX	Óscar Alonso Bastos 76996726V	Atenuante. Realizar transporte público de mercadorías en vehículo lixeiro carecendo de título habilitante. 10.4.2017; 20.13; A-55; 18,5	Art. 141.25 en relación co art. 140.1 da LOTT	Art. 143.1.k) en relación coa letra f) da LOTT	801 euros