Secretaría: Sra. Freire Corzo (-FF-)

Tipo e número de recurso: RSU recurso de suplicación 4922/2017

Xulgado de orixe/autos: procedemento ordinario 588/2016 Xulgado do Social número 2 de Ferrol

Recorrente: María Jesús Amado Rodríguez

Avogado: Jesús Porta Dovalo

Recorridos: Fogasa, Izar Construcciones Navales, S.A., María del Carmen Rodríguez Vázquez, José Luis Amado Rodríguez, Yolanda Amado Rodríguez, Santiago González Garay, Indunor, S.A.

Avogados: letrado de Fogada, Abel López Carballeda, Jesús Porta Dovalo, Jesús Porta Dovalo, Jesús Porta Dovalo, (…), (…)

Procuradores: (…), María Susana Díaz Gallego, (…), (…), (…), (…)

Eu, María Isabel Freire Corzo, letrada da Administración de xustiza da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 4922/2017 desta sección, seguido por instancia de María Jesús Amado Rodríguez, José Luis Amado Rodríguez e Yolanda Amado Rodríguez contra Izar Construcciones Navales en Liquidación, S.A., Santiago González Garay, Indunor e Fogasa, sobre outros dereitos de seguridade social, se ditou a seguinte resolución:

«Decidimos.

Desestimamos o recurso de suplicación formulado por María Jesús Amado Rodríguez contra a sentenza de data tres de xullo de 2017, ditada polo Xulgado do Social número 2 de Ferrol, no procedemento 588/2016 seguido pola súa instancia contra Izar Construcciones Navales y Otros, e confirmamos a expresada resolución.

Notifíqueselles a presente resolución ás partes e ao Ministerio Fiscal.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se deberá preparar mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non tivese a condición de traballador ou beneficiario do réxime público da Seguridade Social deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 37, seguida de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou concepto da transferencia” os 16 díxitos que corresponden ao procedemento (1552 0000 80 ou 37 **** ++).

Unha vez firme, expídase certificación para constancia na peza que se arquivará neste tribunal, incorporándose o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta a nosa sentenza, pronunciámolo, mandámolo e asinámolo».

E para que así conste para os efectos da súa publicación no Diario Oficial de Galicia co fin de que lle sirva de notificación en legal forma a Indunor, S.A. e Sangiago González Garay, coa advertencia de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento, expido e asino o presente edicto.

A Coruña, 13 de abril de 2018

A letrada da Administración de xustiza