O Pleno municipal, en sesión ordinaria que tivo lugar o 30 de abril de 2018, acordou aprobar definitivamente o estudo de detalle que ten como obxectivos a ordenación de volumes así como completar ou reaxustar as rasantes e as condicións de integración da edificación no seu contorno na parcela E4.1-E3 da rúa Madeira do parque empresarial de Bértoa, en Carballo, promovido pola entidade mercantil Casas Cube, S.L. O documento aprobado poderase consultar na seguinte páxina web:

http://www.carballo.org/novas.php?id=5883&idioma=gl&sec=32

Así mesmo, faise constar que foi remitido o documento do estudo de detalle, debidamente dilixenciado (en soporte papel e dixital), á Consellería de Medio Ambiente e Ordenación do Territorio, para os efectos da súa inscrición no Rexistro de Planeamento Urbanístico de Galicia, segundo o disposto no artigo 88 da Lei 2/2016, do solo de Galicia, e no artigo 212.2 do Regulamento da citada lei.

Carballo, 8 de maio de 2018

Evencio Ferrero Rodríguez
Alcalde