Visto o expediente instruído para os efectos de transmisión da batea Somoza e da concesión administrativa que a ampara, resulta:

a) Antecedentes:

Primeiro. Mediante escrito do 11 de agosto de 2017, Jesús Somoza Costa (35421186J), Pilar Somoza Costa (35435368G), Josefa Somoza Costa (76853657P), Fernando Oubiña Somoza (76872866N) e Carmen Cacabelos Somoza (35398437B) solicitaron autorización para a transmisión inter vivos da concesión administrativa e da batea Somoza.

Segundo. Mediante a Orde do 29 de xaneiro de 2018 autorízase a transmisión inter vivos da concesión administrativa e da batea Somoza a favor de Fernando Oubiña Somoza (76872866N).

Terceiro. O 5 de abril de 2018, os interesados presentaron, por unha banda, a escritura notarial de compravenda outorgada por Jesús Somoza Costa (35421186J), Pilar Somoza Costa (35435368G), Josefa Somoza Costa (76853657P) e Fernando Oubiña Somoza (76872866N) a favor de Fernando Oubiña Somoza (76872866N) e, por outra banda, a escritura notarial de pacto sucesorio de mellora outorgado por Carmen Cacabelos Somoza (35398437B) a favor de Fernando Oubiña Somoza (76872866N).

b) Consideracións legais e técnicas:

Primeira. Este órgano é competente para resolver o expediente, de conformidade coa Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia (DOG número 180, do 21 de setembro).

Segunda. A Lei 2/2006, do 14 de xuño, de dereito civil de Galicia (DOG número 124, do 29 de xuño), nos seus artigos 209 e seguintes, regula os pactos sucesorios como negocios mortis causa, e coa forma de pactos de apartación ou pactos de mellora.

Terceira. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).

Vistas as disposicións citadas, a proposta de resolución elaborada polo Servizo de Recursos Mariños, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:

Modificar a autorización de transmisión inter vivos por tratarse dunha transmisión inter vivos, e sucesivamente, mortis causa, mediante pacto de mellora, a favor de Fernando Oubiña Somoza (76872866N), da concesión administrativa e da batea que se indica a seguir:

Identificación:

Tipo: batea.

Nome: Somoza.

Situación:

Cuadrícula número: 40.

Polígono: D.

Distrito: Cambados (Pontevedra).

Especies autorizadas: mexillón (Mytilus galloprovincialis) e vieira (Pecten maximus).

Título administrativo habilitante: concesión de actividade.

Orde de outorgamento: 14.4.1973.

Remate da vixencia: 15.12.2019.

Actuais titulares: Jesús Somoza Costa (35421186J), Pilar Somoza Costa (35435368G), Josefa Somoza Costa (76853657P), Fernando Oubiña Somoza (76872866N) e Carmen Cacabelos Somoza (35398437B).

Novo titular: Fernando Oubiña Somoza (76872866N).

Baixo as seguintes condicións:

Primeira. Os actuais titulares deberán presentar no prazo máximo dun mes, contado desde o día seguinte ao da publicación desta orde no Diario Oficial de Galicia, orixinal ou fotocopia compulsada da seguinte documentación:

a) Documento notarial da transmisión ou doazón.

b) Solicitude ou carta de pagamento do imposto de transmisións patrimoniais ou documento de sucesións.

Segunda. Transcorrido o prazo indicado na condición primeira sen achegar a documentación requirida, a autorización quedará sen efecto, logo de comunicación por parte da consellería.

Terceira. O novo titular da concesión queda subrogado nos dereitos e obrigas dos anteriores, desde o momento de formalización da compravenda en escritura pública.

Contra esta resolución, que esgota a vía administrativa, poderase interpoñer recurso potestativo de reposición, no prazo dun mes, ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

Vigo, 19 de abril de 2018

A conselleira do Mar
P.D. (Orde do 8.9.2017)
Sonia Lorenzo Santos
Xefa territorial de Vigo