Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fago saber que no procedemento de despedimento/cesamentos en xeral 568/2017 deste xulgado do social, seguido por instancia de Antonio Rodríguez Mariño contra Transfrigo Lens, S.L., Logística Alaricana. S.L., Milagros Vázquez Rivas e o Fondo de Garantía Salarial (Fogasa), sobre despedimento, ditouse a seguinte resolución:
Acordo a suspensión dos actos de conciliación e xuízo sinalados para o día de hoxe e sinalo novamente estes para o día 16.5.2018 ás 10.45 e ás 10.50 horas, respectivamente, para a súa celebración, para o que deben citarse as partes expedindo as oportunas cédulas de citación coas advertencias legais e, se é o caso, as cédulas de citación e oficios necesarios para a práctica das probas que foron admitidas.
Notifíquese ás partes, facéndolles saber que en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados e, se é o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas mentres non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.
Modo de impugnación: mediante recurso de reposición que se interpoñerá ante quen dita esta resolución, no prazo de tres días hábiles seguintes á súa notificación, con expresión da infracción que a xuízo do recorrente contén esta, sen que a interposición do recurso teña efectos suspensivos con respecto á resolución impugnada.
A letrada da Administración de xustiza.
E para que sirva de notificación en legal forma a Logística Alaricana, S.L., en ignorado paradoiro, expido o presente para a súa inserción no boletín oficial correspondente.
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
Santiago de Compostela, 28 de marzo de 2018
A letrada da Administración de xustiza
