De conformidade coa disposición transitoria terceira da Lei 39/2015, do 1 de outubro, do procedemento administrativo común das administracións públicas e en virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanselle a través do Boletín Oficial del Estado á persoa citada no anexo as resolucións do expediente administrativo instruído de conformidade co disposto no artigo 172 e seguintes do Código civil, por non ser posible a notificación ao ignorarse o lugar de notificación.
O correspondente expediente consta no Servizo de Familia, Infancia e Dinamización Demográfica da Xefatura Territorial en Vigo da Consellería de Política Social, na rúa Concepción Arenal, 8, 1º andar, 36201 Vigo, onde poderá comparecer a persoa interesada para o coñecemento do contido íntegro das resolucións, de luns a venres laborables, e das 9.00 ás 14.00 horas, no prazo de dous meses desde o día seguinte ao da publicación da presente cédula no Boletín Oficial del Estado, advertíndolle de que de non facelo terase por notificada.
Contra estas resolucións, que poñen fin á vía administrativa, poderá interpoñerse recurso ante o Xulgado de Primeira Instancia de Vigo que por quenda corresponda no prazo de dous meses desde a súa notificación, sen necesidade de reclamación administrativa previa de conformidade co disposto no artigo 780 da Lei 1/2000, do 7 de xaneiro, de axuizamento civil.
Vigo, 29 de xaneiro de 2018
Marta Iglesias Bueno
Xefa territorial de Vigo