A entidade pública Augas de Galicia dá publicidade da seguinte encomenda de xestión realizada, ao abeiro do artigo 10 da Lei 16/2012, do 17 de decembro, de organización e funcionamento da Administración xeral e do sector público autonómico de Galicia, a unha empresa pública, en cumprimento do disposto no artigo 8 da Lei 19/2013, do 9 de decembro, de transparencia, acceso á información pública e bo goberno, e demais normativa que resulta de aplicación na materia:

1) Datos xerais.

Entidade encomendante: Augas de Galicia.

Dependencia que tramita o expediente: Contratación.

Actuación: obra.

Tipo de tramitación: encomenda de xestión a medio propio instrumental e servizo técnico do poder adxudicador.

Entidade encomendataria: Empresa de Transformación Agraria, S.A., S.M.E., M.P.

2) Encomenda de xestión.

Título: obra de acondicionamento hidráulico dun afluente do río Con na rúa Florida. Separata II. Vilagarcía de Arousa (Pontevedra).

Clave do expediente: OH.436.1134.

Descrición do obxecto: os traballos comprenden as obras necesarias para a inutilización da actual canalización e a construción dunha nova canalización que evacúe as augas desde o inicio da canalización actual na rúa Rodrigo de Mendoza ata o parque da Coca nas inmediacións da rúa Florida, e rematará nun canal aberto de escolleira de 30 m de longo que conduce as augas ata o río Con. Esta segunda fase circunscribe dentro da rúa Florida, onde se executará o tramo de colector entre os pozos II e III.

Orzamento. Importe neto: 216.219,15 euros. Importe total: 261.625,17 euros.

Data de formalización: 8 de marzo de 2018.

Prazo de execución: 2 meses con previsión de ampliación sen que poida implicar incremento do gasto.

Santiago de Compostela, 12 de marzo de 2018

A presidencia de Augas de Galicia
P.D. (Resolución do 30.1.2012; DOG nº 21, do 31 de xaneiro)
Roberto Rodríguez Martínez
Director de Augas de Galicia