De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), logo de intentada a notificación persoal dúas veces, emprázanse as interesadas que se sinalan no anexo para seren notificadas por comparecencia, segundo o disposto no artigo 46.
O acto foi adoptado pola Secretaría Xeral de Emprego por delegación da persoa titular da Consellería de Economía, Emprego e Industria, segundo establece o artigo 35 do Decreto 135/2017, do 25 de xaneiro, polo que se establece a estrutura orgánica da Consellería de Economía, Emprego e Industria.
A comparecencia deberase efectuar no prazo de dez (10) días, contados desde o seguinte ao da publicación deste anuncio no Boletín Oficial del Estado, na Secretaría Xeral de Emprego da Consellería de Economía, Emprego e Industria, situada no Complexo Administrativo San Lázaro, s/n, en Santiago de Compostela, das 9.00 ás 14.00 horas, de luns a venres.
Transcorrido o dito prazo sen efectuarse a comparecencia, a notificación entenderase producida o día seguinte ao da publicación deste anuncio no Boletín Oficial del Estado.
A eficacia deste anuncio queda supeditada á súa publicación no taboleiro de edictos único do Boletín Oficial del Estado.
Santiago de Compostela, 5 de marzo de 2018
Covadonga Toca Carús
Secretaria xeral de Emprego
ANEXO
Expediente: TR802G-36-042-10.
Interesada: Alma Zen Alimentación Ecológica, S.L.L.
Acto de notificación: resolución de declaración de procedencia de reintegro.
Expediente: TR802G-36-018-12.
Interesada: Escola Aberta Rural, S.L.L.
Acto de notificación: resolución de declaración de procedencia de reintegro.
