De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, publícase o emprazamento a Francisco Robres Dulanto e a Amada Silvia Román Donato para o trámite de audiencia ditado no expediente de reposición da legalidade urbanística LUG/82/2016-RP1, en relación coas obras consistentes na instalación dunha casa prefabricada tipo mobil home de planta baixa, con cuberta a dúas augas e cheminea, na execución dunha soleira de lousas de pedra, tanto na entrada á parcela como formando un camiño ata a casa prefabricada e instalación dunha antena de televisión no peche da parcela no lugar de Barqueira, no termo municipal de Foz, provincia de Lugo.
O expediente relacionado está á disposición dos interesados na Axencia de Protección da Legalidade Urbanística, sita no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
Os interesados disporán dun prazo de quince (15) días hábiles, contados a partir do día seguinte a aquel en que se producise a notificación desta cédula, para alegaren e presentaren os documentos e informacións que xulguen pertinentes.
Para que conste e lles sirva de notificación aos citados interesados, en cumprimento do disposto no artigo 44 da Lei 39/2015, expido e asino esta cédula.
Santiago de Compostela, 23 de febreiro de 2018
José Antonio Cerdeira Pérez
Director da Axencia de Protección da Legalidade Urbanística