De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, publícase o emprazamento a herdeiros de Ricardo Felpeto Ferreiro para o trámite de audiencia ditado no expediente de reposición da legalidade urbanística LUG/173/2017-RP1, en relación coas obras consistentes na construción subterránea para garaxe, outra construción subterránea, muro curvo de contención de terras, escaleira exterior da obra, fosa séptica e alboio no lugar de Pedrouzos, parroquia da Torre, no termo municipal de Vilalba, provincia de Lugo.
O expediente relacionado está á disposición dos interesados na Axencia de Protección da Legalidade Urbanística, sita no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles que se contarán desde o día seguinte ao da publicación desta cédula. Transcorrido o dito prazo, a notificación entenderase producida.
Os interesados disporán dun prazo de quince (15) días hábiles, contados a partir do día seguinte a aquel en que se producise a notificación desta cédula, para alegaren e presentaren os documentos e informacións que xulguen pertinentes.
Para que conste e lles sirva de notificación aos citados interesados, en cumprimento do disposto no artigo 44 da Lei 39/2015, expido e asino esta cédula.
Santiago de Compostela, 23 de febreiro de 2018
José Antonio Cerdeira Pérez
Director da Axencia de Protección da Legalidade Urbanística