María Jesús Pérez Fernández, letrada da Administración de xustiza do Xulgado de Primeira Instancia número 4 de Santiago de Compostela, polo presente,
Anuncio:
No presente procedemento xuízo verbal seguido por instancia de Manuel Ferreiro Casal fronte a José Manuel Dosil Sabugueiro, Pumoga, S.C. e José Ramón Montero Vales, se ditou sentenza, cuxo teor literal é o seguinte:
«Sentenza: 128/2017.
Xuízo verbal nº 566/2016.
Santiago de Compostela, 19 de xullo de 2017.
Sentenza.
Vistos por min, Ana Belén López Otero, maxistrada xuíza do Xulgado de Primeira Instancia número 4 de Santiago de Compostela, as presentes actuacións de xuízo verbal tramitadas co número 566/2016, en que interviñeron, como demandante, Manuel Ferreiro Casal, representado pola procuradora dos tribunais Sra. Sánchez Silva e asistido polo letrado Sr. Ferreiro Casal, e como demandados, Pumoga, S.C., representada polo procurador dos tribunais Sr. Martínez Laxe e asistida polo letrado Sr. Amigo Liñares, José Manuel Dosil Sabugueiro e José Ramón Montero Vales, en virtude das seguintes consideracións,
Dispoño:
Estimar a demanda interposta por Manuel Ferreiro Casal e, en consecuencia, condénase a Pumoga, S.C., José Manuel Dosil Sabugueiro e José Ramón Montero Vales a aboar solidariamente ao demandante a suma de 2.176,45 euros máis os xuros legais desde a data de interposición da demanda, todo iso con imposición de custas á parte demandada.
Notifíquese esta resolución a todos os interesados e fágaselles saber que contra ela non cabe interpor ningún recurso, ao non ser a contía do procedemento superior a 3.000 euros.
Así o acordo, mando e asino».
E ao estar o dito demandado, José Ramón Montero Vales, en paradoiro descoñecido, expídese este edicto co fin de que lle sirva de notificación en forma.
Santiago de Compostela, 3 de outubro de 2017
A letrada da Administración de xustiza