DOG 32 do 14/02/2018 - ANUNCIO do 2 de febreiro de 2018 polo que se lles notifica aos interesados o requirimento de documentación en relación coa súa solicitude de inscrición no Rexistro Profesional de Socorristas Acuáticos de Galicia.

VI. Anuncios

a) Administración autonómica

Academia Galega de Seguridade Pública

ANUNCIO do 2 de febreiro de 2018 polo que se lles notifica aos interesados o requirimento de documentación en relación coa súa solicitude de inscrición no Rexistro Profesional de Socorristas Acuáticos de Galicia.

A Academia Galega de Seguridade Pública remitiu escritos de requirimento de documentación relativos aos expedientes de inscrición no Rexistro Profesional de Socorristas Acuáticos de Galicia dos/das interesados/as que se indican no anexo.

Tentada por dúas veces a notificación do citado requirimento a través do servizo de Correos no domicilio indicado polos/as interesados/as para os efectos de notificación, esta non se puido practicar e foi devolta polo dito servizo.

Polo exposto, esta dirección xeral, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, en virtude do presente anuncio, notifícalle aos/ás interesados/as que se indican no anexo o requirimento antes citado.

Os/as interesados/as poden recoller o requirimento mediante comparecencia nas dependencias da Academia Galega de Seguridade Pública (rúa da Cultura, s/n, A Estrada, Pontevedra), das 9.00 ás 14.00 horas, no prazo de dez días contado a partir do seguinte ao da publicación deste anuncio no Boletín Oficial del Estado.

Así mesmo, infórmaselles aos/ás interesados/as que, de conformidade co artigo 68.1 da citada lei, transcorrido o dito prazo sen que comparezan, teráselles por desistidos da súa petición, logo de resolución ditada nos termos previstos no artigo 21.

A Estrada, 2 de febreiro de 2018

Luis Menor Pérez
Director xeral da Academia Galega de Seguridade Pública

ANEXO

Solicitante: Omar Andrade Álvarez.