Comunícase a todas as persoas interesadas na reestruturación parcelaria da zona de Oubiña, 2º sector (Cambados-Pontevedra) que, con data do 18 de decembro de 2017, o director xeral de Desenvolvemento Rural aprobou a resolución que a seguir se cita:
«Á vista do resultado do procedemento de elaboración das bases de reestruturación parcelaria da zona de Oubiña, 2º sector (Cambados-Pontevedra), da recomendación de continuidade do dito procedemento emitida no correspondente informe polo Comité Técnico Asesor e do informe favorable do Servizo Provincial de Infraestruturas Agrarias, oída a Xunta Local da zona, ao abeiro do disposto polo artigo 26 da Lei 4/2015, do 17 de xuño, de mellora da estrutura territorial agraria de Galicia, polo presente acto apróbanse as bases de reestruturación parcelaria da zona de Oubiña, 2º sector (Cambados-Pontevedra).
A Xefatura do Servizo de Infraestruturas Agrarias da Xefatura Territorial da Consellería do Medio Rural de Pontevedra disporá a súa notificación e publicación nos termos legalmente establecidos».
Contra esta resolución, que non pon fin á vía administrativa, as persoas interesadas poderán interpor recurso de alzada ante a persoa titular da Consellería do Medio Rural, dentro do prazo dun mes, contado desde o día seguinte ao da recepción persoal ou da publicación substitutiva.
Pontevedra, 18 de xaneiro de 2018
Mª José Pérez Gil
Xefa do Servizo de Infraestruturas Agrarias de Pontevedra