A persoa titular do Servizo de Mobilidade da Xefatura Territorial de Pontevedra acordou a incoación do expediente sancionador PO-02984-O-2017 e tres máis por infracción da normativa sobre transporte terrestre.

Intentada a notificación do acordo de incoación por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanselles os acordos de incoación ditados ás persoas interesadas.

Son informadas de que os expedientes sancionadores están á súa disposición nas oficinas do Servizo de Mobilidade da Xefatura Territorial de Pontevedra.

Outórgaselles un prazo quince (15) días hábiles, contado desde o día seguinte ao da publicación deste anuncio no BOE, para alegaren o que consideren conveniente e presenten ou propoñan as probas que consideren oportunas.

No suposto de que decidan voluntariamente pagar a sanción antes de que transcorran trinta (30) días, contados desde o seguinte ao da publicación deste anuncio no BOE, a súa contía reducirase nun 30 % na forma prevista no artigo 146.3 da Lei 16/1987, do 30 de xullo, de ordenación dos transportes terrestres. A realización do dito pagamento implica a conformidade cos feitos denunciados, a renuncia a formular alegacións por parte da persoa interesada e a terminación do procedemento sancionador.

Pontevedra, 2 de xaneiro de 2018

José Jorge Martínez Fernández
Xefe do Servizo de Mobilidade de Pontevedra

ANEXO

Expediente Matrícula	Denunciado DNI/CIF	Infracción denunciada Data; hora; estrada; p.q.	Precepto cualificador	Precepto sancionador	Sanción proposta
PO-02984-O-2017 1666-DKM	María Nuria Nieto Prego 76898811J	O exceso igual ou superior ao 15 % e inferior ao 25 % sobre a MMA total en vehículos con MMA ata 12 toneladas. Exceso de peso igual ou superior ao 19 %. 27.6.2017; 12.59; PO-510; 2,0	Art. 141.2 LOTT	Art. 143.1.f) LOTT	900 euros
PO-02985-O-2017 1666-DKM	María Nuria Nieto Prego 76898811J	Atenuante-Realizar transporte público de mercadorías en vehículo lixeiro carecendo de título habilitante. 27.6.2017; 12.59; PO-510; 2,0	Art. 141.25 en relación art. 140.1 LOTT	Art. 143.1.k) en relación letra f) LOTT	801 euros
PO-03526-O-2017 9087-CVG	Manuel Álvarez Rodríguez 13051358P	Atenuante-Realizar transporte público en vehículo lixeiro ao abeiro dunha autorización caducada, revogada ou que por calquera outra causa perdese a súa validez. 28.8.2017; 12.42; PO-542; 5,802	Art. 141.25 LOTT Art. 140.1 LOTT	Art. 143.1.k) LOTT Art. 143.1.f) LOTT	801 euros
PO-03527-O-2017 9087-CVG	Manuel Álvarez Rodríguez 13051358P	A realización de transportes públicos utilizando para a condución do vehículo os servizos dunha persoa que requira o certificado de condutor de terceiro país (non da UE), e carece deste. 28.8.2017; 12.53; PO-542; 5,802	Art. 141.9 LOTT	Art. 143.1.e) LOTT	601 euros