Visto o expediente para outorgamento de autorización administrativa previa e de construción da instalación eléctrica que a seguir se cita:

Solicitante: Media Markt Santiago de Compostela, S.A.

Domicilio social: parque empresarial Mas Blau, rúa Garrotxa, 2-4, Edif. Océano, 2, 08820 El Prat de Llobregat.

Denominación: proxecto eléctrico de media tensión para a instalación dun centro de seccionamento para un local comercial sito no centro comercial Costa Vella, rúa de Malta, 2, SUNP 37, polígono ind. Costa Vella Amio-Santiago de Compostela.

Situación: rúa de Malta, 2, SUNP 37, polígono ind. Costa Vella Amio-Santiago de Compostela.

Características técnicas: centro de seccionamento soterrado en edificio prefabricado. Celas prefabricadas de entrada, saída e derivación con interrutores-seccionadores (24 kV, 400 A, 20 kA).

Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico, e no título VII, capítulo II, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construcción (DOG núm. 54), esta xefatura territorial resolve:

Conceder a autorización administrativa previa e a autorización administrativa de construción da devandita instalación, cuxas características se axustarán en todas as súas partes ás que figuran no seu proxecto e ás condicións técnicas e de seguranza establecidas nos regulamentos de aplicación.

Esta instalación está previsto que se execute nun prazo dun ano, contado a partir da data da última autorización administrativa necesaria.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

Contra a presente resolución, que non é definitiva en vía administrativa, cabe interpor recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da súa notificación ou publicación nos termos establecidos nos artigos 112, 115, 121 e 122 da Lei 39/2015, do 1 de outubro, do procedemento administrativo común das administracións públicas; sen prexuízo de que os interesados poidan interpor calquera outro recurso que se considere pertinente.

A Coruña, 22 de setembro de 2017

Isidoro Martínez Arca
Xefe territorial da Coruña