Para os efectos previstos no artigo 36 da Lei 21/2013, do 9 de decembro, de avaliación de impacto ambiental (BOE núm. 296, do 11 de decembro), no artigo 6 do Real decreto 975/2009, do 12 de xuño, sobre xestión dos residuos das industrias extractivas e de protección e rehabilitación do espazo afectado por actividades mineiras (BOE núm. 143, do 13 de xuño) e, así mesmo, no artigo 21 da Lei 3/2008, do 23 de maio, de ordenación da minaría de Galicia (DOG núm. 109, do 6 de xuño), esta xefatura territorial
RESOLVE:
Someter a información pública, durante un prazo de trinta (30) días hábiles, contados desde o seguinte ao da publicación da presente resolución, a actualización do proxecto de explotación, o estudo de impacto ambiental e o plan de restauración da solicitude de ampliación do perímetro da explotación Sete Pontes nº 36, sita no termo municipal de Moeche, provincia da Coruña, promovida pola sociedade José No Martiñán e Hijos, S.A.
Durante o prazo indicado, aquelas persoas ou entidades que se consideren afectadas polo citado proxecto poderán examinar o expediente nas dependencias do Servizo de Enerxía e Minas da Xefatura Territorial da Coruña, Edificio Administrativo Monelos, 2ª planta, rúa Vicente Ferrer, núm. 2, 15071 A Coruña, ou no portal da devandita consellería: http://ceei.xunta.gal/recursos/iniciativas
E formular as súas alegacións por escrito ante este órgano administrativo, presentándoas en calquera das oficinas previstas no artigo 16.4 da Lei 39/2015, do 1 de outubro, do procedemento administrativo común das administracións públicas.
Transcorrido o período de información pública, proseguirase coa tramitación da avaliación de impacto ambiental ordinaria, prevista na Lei 22/2013, do 9 de decembro, á cal está sometido o presente proxecto, cuxa autorización compete, como órgano substantivo, á Consellería de Economía, Emprego e Industria ao amparo do establecido na Lei 3/2008, do 23 de maio.
A Coruña, 12 de decembro de 2017
Isidoro Martínez Arca
Xefe territorial da Coruña