O artigo 15.2 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de publicar no Diario Oficial de Galicia, unha relación dos convenios subscritos no cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único
Darlle publicidade á relación dos convenios subscritos polo Instituto Galego de Seguridade e Saúde Laboral nos meses de setembro, outubro, novembro e decembro do ano 2017, que se incorpora como anexo a esta resolución.
Santiago de Compostela, 15 de xaneiro de 2018
Adela Quinzá-Torroja García
Directora do Instituto Galego de Seguridade e Saúde Laboral
ANEXO
|
Convenio |
Obxecto |
Importe achegado polo Issga |
Data da |
|
Convenio de colaboración entre o Instituto Galego de Seguridade e Saúde Laboral e a Consellería de Sanidade para o intercambio de datos de accidentes de traballo para desenvolver o programa de detección de terceiros obrigados ao pagamento na asistencia sanitaria dispensada no Servizo Público de Saúde |
Establecer as condicións, requisitos e procedementos polos que se debe rexer a cesión de datos en materia de accidentes de traballo entre o Issga e a Consellería de Sanidade, para desenvolver esta última o Programa de detección de terceiros obrigados ao pagamento na asistencia sanitaria dispensada no Servizo Público de Saúde, preservando en todo caso os dereitos das persoas a que se refira a información |
0,00 € |
15.9.2017 |
