Susana Varela Amboage, letrada da Administración de xustiza do Xulgado do Social número 1 de Santiago de Compostela, fago saber que no procedemento ordinario 757/2015 deste xulgado do social, seguido por instancia de Sara González Santos contra Delfina Pensado Boo, Fondo de Garantía Salarial (Fogasa) sobre ordinario, foi ditada a resolución cuxa parte dispositiva di:
«Que, considerando substancialmente a demanda interposta por Sara González Santos contra Delfina Pensado Boo, debo condenar e condeno a demandada a aboar á demandante a suma de 6.500 euros brutos polos conceptos indicados no feito probado sétimo desta sentenza, incrementada cos xuros previstos no artigo 29.3 do ET desde a data de presentación da papeleta de conciliación ata a presente resolución e os do artigo 576 da LAC a partir da presente resolución.
No que atinxe á responsabilidade do Fogasa non hai lugar á súa condena nesta instancia e débese aplicar o que resulte da aplicación do artigo 33 do ET.
Notifíquese ás partes a presente resolución e fágaselles saber que contra ela cabe recurso de suplicación para ante a Sala do Social do Tribunal Superior de Xustiza de Galicia, no prazo de cinco días contados desde o seguinte ao da súa notificación.
A anterior resolución entregarase á letrada da Administración de xustiza para a súa custodia e incorporación ao libro de sentenzas. Insírase nas actuacións por medio de testemuño.
Por esta miña sentenza, xulgando definitivamente na primeira instancia, pronúncioo, mando e asino».
E para que sirva de notificación en legal forma a Delfina Pensado Boo, en ignorado paradoiro, expido este edicto para a súa inserción no Diario Oficial de Galicia.
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.
Santiago de Compostela, 20 de decembro de 2017
A letrada da Administración de xustiza
