O Pleno municipal adoptou, na sesión ordinaria do 8 de xaneiro de 2018, o acordo que na parte dispositiva di o seguinte:
«Primeiro. Rectificar o erro do PXOU de Chantada, consistente na omisión do “uso de oficinas” nas ordenanzas do PXOU para o solo urbano.
Segundo. Proceder para a rectificación dese erro a unha tramitación acorde coas competencias e exposición pública para a aprobación dun plan xeral de ordenación: acordo inicial polo Pleno, información pública polo prazo de dous meses, aprobación provisoria polo Pleno e aprobación definitiva pola Consellería da Xunta de Galicia competente en materia de urbanismo.
Terceiro. Someter a información pública este acordo inicial polo prazo de dous meses, de acordo co establecido no artigo 60.6 da Lei 2/2016, do solo de Galicia, mediante anuncio que se publicará no Diario Oficial de Galicia e nun dos xornais de maior difusión na provincia, así como no Boletín Oficial da provincia, na páxina web municipal e no taboleiro de anuncios do Concello».
O período de información pública que figura no punto segundo do acordo comezará a contarse a partir do día seguinte ao da publicación deste anuncio no Diario Oficial de Galicia.
Chantada, 9 de xaneiro de 2018
Manuel Lorenzo Varela Rodríguez
Alcalde