De conformidade co disposto nos artigos 44 e 46 da Lei 39/2015 (BOE núm. 236, do 2 de outubro), do procedemento administrativo común das administracións públicas, notifícase a Alberto Fernández Rodríguez, mediante a publicación no Boletín Oficial del Estado, por non ser posible a notificación no domicilio, a resolución emitida pola Presidencia de Portos de Galicia o 22 de novembro de 2017, que acorda desestimar o recurso potestativo de reposición interposto contra a Resolución do 13 de setembro de 2017, que decreta a caducidade da autorización de atracada número P06/010A das instalacións para a náutica recreativa do porto de Cangas e, en consecuencia, confirmar aquela en todos os seus termos.

Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.

O interesado poderá comparecer na sede dos servizos centrais de Portos de Galicia, sito na praza de Europa, 5 A, 6º, de Santiago de Compostela, para o coñecemento do contido íntegro da resolución e constancia de tal coñecemento.

Contra a presente resolución que pon fin á vía administrativa e é executiva, poderase interpoñer recurso contencioso-administrativo nun prazo de dous meses contado desde a publicación desta cédula no Boletín Oficial del Estado, perante o Xulgado do Contencioso-Administrativo de Santiago de Compostela que corresponda.

Santiago de Compostela, 18 de decembro de 2017

José Juan Durán Hermida
Presidente de Portos de Galicia