Aprobados os pregos de cláusulas administrativas particulares e de prescricións técnicas, que rexen a contratación da subministración de carburantes, en estación de servizo, para os vehículos do parque móbil e maquinaria municipal, anúnciase a convocatoria para a súa contratación.

1. Obxecto: a contratación da subministración de carburantes, en estación de servizo, para os vehículos do parque móbil e maquinaria municipal.

2. Duración do contrato: terá unha duración de dous anos, sen posibilidade de prórroga.

3. Prezo de licitación: sinálase como orzamento máximo de licitación por ano (12 meses), 78.512,40 € sen incluír o IVE, o IVE ascende a 16.487,60 e o orzamento máximo de licitación por ano, con IVE, é de 95.000,00 €.

4. Procedemento, tramitación e órgano de contratación: a adxudicación realizarase mediante tramitación ordinaria e procedemento aberto (con multiplicidade de criterios de valoración). O órgano de contratación é a alcaldía.

5. Clasificación: non se exixe.

6. Solvencias:

a) Solvencia económica e financeira: acreditarase a través do volume anual de negocios do licitador, referido ao ano de maior volume dentro dos tres últimos exercicios concluídos, por importe, que non inclúe IVE, igual ou superior a 235.537,20 € (unha vez e media do valor estimado do contrato). Acreditarase por medio das contas anuais do licitador aprobadas e depositadas no Rexistro Mercantil, se o empresario estivese inscrito no dito rexistro e, no caso contrario, polas depositadas no rexistro oficial no que deba estar inscrito. Os empresarios individuais non inscritos no Rexistro Mercantil acreditarán o seu volume anual de negocios mediante os seus libros de inventarios e as súas contas anuais legalizados polo Rexistro Mercantil.

b) Acreditación da solvencia técnica e profesional: mediante relación que incluirá importe, datas e o destinatario, público ou privado, das principais subministracións realizadas no ano de maior facturación dos últimos cinco anos, de igual ou similar natureza aos que constitúen o obxecto do contrato, tomando como criterio de correspondencia entre as subministracións executadas polo licitador e as que constitúen o obxecto do contrato, a igualdade entre os dous primeiros díxitos dos CPV 09134000-7 e 09132100-4 (09). O licitador deberá acreditar como executado durante ese ano de maior execución do período citado, un importe igual ou superior ao 70 % do valor estimado do contrato (109.917,36 € sen IVE). As subministracións acreditaranse mediante certificados expedidos ou visados polo órgano competente, cando o destinatario sexa unha entidade do sector público ou, cando o destinatario sexa un suxeito privado, mediante un certificado expedido por este ou, a falta deste certificado, mediante unha declaración do empresario.

7. Garantías. Provisional: non se exixe. Definitiva: 5 % do importe total do prezo máximo de licitación e excluído o IVE, 7.851,24 €.

8. Mesa de contratación: será constituída de acordo co sinalado no prego administrativo.

9. Criterios de adxudicación:

a) Distancia: ata un máximo de 50 puntos. Para estes efectos os licitadores deberán presentar unha memoria detallada das instalacións onde se prestará o servizo, con indicación exacta da distancia da estación de servicio ao Concello (Casa do Concello, km 0), computándose esta distancia a través de estradas maiormente utilizadas e no seu percorrido máis curto.

b) Prezo: expresarase nunha única porcentaxe de desconto que se aplicará a todos os tipos de carburante, respecto ao prezo do surtidor no momento da repostaxe. Valorarase ata un máximo de 50 puntos.

10. Publicidade: anuncio no perfil do contratante da páxina web municipal (www.sanxenxo.es), no BOPPO e no DOG.

11. Lugar e prazo de presentación de ofertas: as proposicións presentaranse no Rexistro Xeral do Concello de Sanxenxo das 9.00 ás 14.00 horas, dentro do prazo de quince (15) días naturais a contar desde o día seguinte ao da publicación do anuncio de licitación no Boletín Oficial da provincia de Pontevedra, Diario Oficial de Galicia e no perfil do contratante do órgano de contratación que figura na páxina web do Concello www.sanxenxo.es. O cómputo de prazos comezará desde a derradeira publicación en calquera dos medios citados.

12. Entidade e información: Concello de Sanxenxo-Sección de Contratación. Teléfono 986 72 00 75. A documentación recollerase no Concello de Sanxenxo e a través da web www.sanxenxo.es, perfil de contratante.

Sanxenxo, 22 de decembro de 2017

Telmo Martín González
Alcalde presidente