Mediante a Resolución do 20 de novembro de 2017 aprobouse definitivamente o proxecto de expropiación forzosa por razóns de urbanismo para a execución da vía e adecuación ao planeamento na rúa Concepción Arenal, redactado por Isidro López Yáñez e Ignacio José Alonso Díaz con data do 13 de novembro de 2017.
En cumprimento do disposto no artigo 293.7 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia (RLSG) (DOG do 9 de novembro de 2016), polo presente anuncio exponse ao público o dito proxecto para que no prazo de vinte días, contados desde a publicación no DOG, as persoas que poidan resultar interesadas titulares de bens e dereitos formulen as observacións e reclamacións que xulguen convenientes. O expediente completo figura á súa disposición nas dependencias do Servizo de Urbanismo, en horario de oficina, das 9.00 ás 14.00 horas.
Marín, 20 de novembro de 2017
Mª del Pilar Ramallo Vázquez
Alcaldesa presidenta