De conformidade co disposto no artigo 44 da Lei 39/2015, de 1 de outubro, do procedemento administrativo común das administracións públicas, publícase o período de proba ditado no expediente de reposición da legalidade urbanística PON/507/2016-RP1 a José Javier Cancelas Comesaña, en relación coas obras consistentes na construción dunha edificación para uso residencial no lugar da Fraga, Vincios, no termo municipal de Gondomar, provincia de Pontevedra.
O expediente relacionado atópase á disposición do interesado na Axencia de Protección da Legalidade Urbanística, sita no Edificio Witland-Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula no Boletín Oficial del Estado. Transcorrido o devandito prazo, a notificación entenderase producida.
Á vista das alegacións presentadas e de conformidade co disposto no artigo 77 da Lei 39/2015, do 1 de outubro, do procedemento administrativo común das administracións públicas, acordouse:
1. Ordenar de oficio a práctica das seguintes probas:
a) Visita de inspección á parcela en que se atopa a edificación, co fin de acceder ao interior da edificación e constatar o uso a que se destina, sinalando os seguintes aspectos:
– Existencia de fosa séptica, instalacións de saneamento ou preinstalación para levalas a cabo nun futuro.
– Existencia de divisións interiores na edificación.
– Elaboración de plano cotado da planta e alzados da edificación.
b) Documental, consistente en requirir o interesado para que dentro do período probatorio presente a seguinte documentación:
– Documentos, xustificantes, fotografías ou outros elementos que permitan acreditar, de modo fidedigno, a data de total finalización das obras de construción da edificación, en particular:
• Certificado final de obra subscrito por facultativo ou facultativos competentes.
• Contratos de subministracións de auga, electricidade, gas ou telecomunicacións.
• Recibos das subministracións de auga, gas e electricidade ou telecomunicacións.
2. Abrir un período de proba polo prazo de 30 días hábiles para a práctica das probas sinaladas nos puntos anteriores.
Para que conste e sirva de notificación ao citado interesado, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino esta cédula.
Santiago de Compostela, 22 de novembro de 2017
José Antonio Cerdeira Pérez
Director da Axencia de Protección da Legalidade Urbanística