Con data do 7 de novembro de 2017 o director xeral de Desenvolvemento Rural ditou a seguinte resolución:

«Autorizada o 10 de maio de 2017 a toma de posesión dos predios de substitución da zona de concentración parcelaria de Cures-Boiro (Boiro-A Coruña) e visto o informe emitido polo Servizo Provincial de Infraestruturas Agrarias da Coruña, esta dirección xeral

RESOLVE:

Prorrogar seis meses a toma de posesión provisoria dos predios de substitución da zona de concentración parcelaria de Cures-Boiro (Boiro-A Coruña), para os efectos da retirada do arboredo.

A xefatura territorial desta Consellería do Medio Rural na Coruña precederá á publicación dos correspondentes avisos na forma legalmente prevista».

A Coruña, 20 de novembro de 2017

Manuel Rodríguez Vázquez
Xefe territorial da Coruña