A Xefatura Territorial da Consellería de Economía, Emprego e Industria da Coruña fai público que Isabel Noya Aldrey, con DNI 44806099Y, solicitou a declaración como auga mineral natural para bebida envasada do manancial Gerardo, en terreos da súa propiedade sitos no lugar de Bar de Abaixo, parroquia de San Frutuoso, no concello de Santiago de Compostela (A Coruña).
O pozo que recolle este manancial ten unha profundidade de 20 m e o caudal é de 3000l/h. O que se fai público para dar cumprimento ao establecido no artigo 3.1.1 do Real decreto 1798/2010, do 30 de decembro, polo que se regula a explotación e comercialización de augas minerais naturais e augas de manancial envasadas para o consumo humano.
A Coruña, 6 de novembro de 2017
Isidoro Martínez Arca
Xefe territorial da Coruña