Intentada a notificación persoal e devolta polo servizo de Correos ao resultar imposible a súa práctica, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, mediante esta cédula notifícaselle á empresa que se relaciona a resolución ditada no expediente sancionador correspondente.
Dispón dun prazo de dez (10) días hábiles, contados desde o seguinte ao da publicación desta cédula no Boletín Oficial del Estado, para examinar a resolución (que non pon fin á vía administrativa) nas dependencias desta xefatura territorial, Servizo de Emprego e Economía Social, Sección de Sancións, sitas na rúa Concepción Arenal, 8, 2º andar, Vigo (Pontevedra), das 9.00 ás 14.00 horas, de luns a venres.
Fáiselle saber á interesada que pode formular recurso de alzada perante a Secretaría Xeral de Emprego, no prazo dun mes, contado desde o seguinte día ao da súa publicación, de acordo co previsto nos artigos 121 e 122 da Lei 39/2015, do 1 de outubro. Advírteselle que, de non interpoñelo no tempo e na forma que procedan, deberá aboar a multa imposta mediante a necesaria utilización do impreso que poderá solicitar na Xefatura Territorial da Consellería de Economía, Emprego e Industria, no número de conta e na entidade bancaria e prazo que nel se sinala, xa que noutro caso se incoará o procedemento pola vía de constrinximento ante a Consellería de Facenda correspondente.
Expediente: RL 2008/0091-4.
Acta: I362008000004635.
Empresa: José Lantero e Hijos, S.A.
NIF: A-81907677.
Enderezo: Rosalía de Castro, 70, Vilagarcía de Arousa.
Materia: seguridade e saúde.
Preceptos infrinxidos: artigo 17.1 da Lei 31/1995, do 8 de novembro, de prevención de riscos laborais, e artigo 3.1 e anexo 1.1.8 do Real decreto 1215/1997, do 18 de xullo, polo que se establecen as disposicións mínimas de seguridade e saúde para a utilización polos traballadores dos equipamentos de traballo, e anexo II do Real decreto 1215/1997, do 18 de xullo, en relación co seu artigo 3.4 e anexo II.1.14.
Preceptos sancionadores: artigos 12.16.b), 39.3.c) e 40.2.b) do Real decreto lexislativo 5/2000, do 4 de agosto, polo que se aproba o texto refundido da Lei sobre infraccións e sancións na orde social.
Data de resolución: 20.11.2017.
Resolución: multa de 20.000 €.
Vigo, 29 de novembro de 2017
Ignacio Rial Santomé
Xefe territorial de Pontevedra