Segundo o disposto no artigo 15.3 do Decreto 130/1997, do 14 de maio, polo que se aproba o Regulamento de ordenación da pesca fluvial e dos ecosistemas acuáticos continentais (DOG núm. 106, do 4 de xuño), a Xefatura Territorial de Medio Ambiente e Ordenación do Territorio de Pontevedra somete a trámite de información pública o expediente para a modificación do couto de pesca de Couso no río Ulla, durante un prazo de 15 días.
O expediente está á disposición de todos aqueles que poidan estar interesados na Xefatura Territorial da Consellería de Medio Ambiente e Ordenación do Territorio, Servizo de Conservación da Natureza, na avenida Fernández Ladreda, nº 43, 2º, 36003 Pontevedra, ou na páxina web da Consellería de Medio Ambiente e Ordenación do Territorio http://www.cmaot.xunta.gal, na epígrafe de pesca fluvial.
Pontevedra, 29 de novembro de 2017
José Manuel González González
Xefe territorial de Pontevedra