Eu, María Isabel Freire Corzo, letrada da Administración de xustiza da Sala Segunda do Social do Tribunal Superior de Xustiza de Galicia, fago saber que no procedemento recurso de suplicación 2738/2017 desta sección, seguido por instancia de César Valeiras Jiménez contra Fogasa, Newco Airport Services, S.A., e outros sobre outros dereitos laborais, se ditou a seguinte resolución:

Estimamos, en parte, o recurso de suplicación formulado polo demandante César Valeiras Jiménez, contra a sentenza de data 27 de febreiro de 2017, ditada polo Xulgado do Social número 1 de Santiago de Compostela, no procedemento 613/2013 sobre recoñecemento de dereito e cantidade, revogando, en parte, a expresada resolución no sentido de condenar a empresa demandada a aboar ao demandante a cantidade de 7.011,37 euros, confirmándoa en canto aos restantes pronunciamentos.

Modo de impugnación: faise saber ás partes que contra esta sentenza cabe interpoñer recurso de casación para unificación de doutrina que ha de prepararse mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non tivese a condición de traballador ou beneficiario do réxime público da Seguridade Social deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co nº 1552 0000 37 seguida de catro díxitos correspondentes ao nº do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 35 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo «observacións ou concepto da transferencia» os 16 díxitos que corresponden ao procedemento (1552 0000 80 ou 35 **** ++).

Unha vez firme, expídase certificación para constancia na peza que se arquivará neste tribunal incorporándose o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta nosa sentenza, pronunciámolo, mandamos e asinamos.

E para que sirva de notificación en legal forma a Newco Airport Services, S.A., e Comisión de Mantenimiento del Ere, Juan Rafael Rial Souto e Francisco Javier Ramos Benito, en ignorado paradoiro, con último domicilio en Andalucía, expido este edicto para a súa inserción no Diario Oficial de Galicia.

Advírtese os destinatarios de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 9 de novembro de 2017

A letrada da Administración de xustiza