O Pleno deste concello, en sesión extraordinaria que tivo lugar o 26 de outubro de 2017, acordou, entre outros, aprobar definitivamente o proxecto de modificación da ficha individual da parcela 1, Couzada 27 do Plan especial do núcleo histórico de Corcubión, asinado polo arquitecto Xoán Bautista Alborés Tajes.
O que se fai público en cumprimento do disposto no artigo 92 da Lei 9/2002, do 30 de decembro.
Así mesmo, faise constar que con data do 2 de novembro de 2017 se presentou na Consellería de Medio Ambiente e Ordenación do Territorio a documentación a que fai referencia o punto 3 do mesmo artigo.
Corcubión, 6 de novembro de 2017
Manuel Insua Insua
Alcalde