Visto o expediente instruído para os efectos de transmisión da batea Oubiña VI e da concesión administrativa que a ampara, resulta:

a) Antecedentes de feito.

Primeiro. O 7.9.2017 os heredeiros de Faustino Suárez Vázquez solicitaron autorización para a transmisión da concesión administrativa e da batea Oubiña VI.

Segundo. O 18.7.2017 elevouse a público ante o notario do Ilustre Colexio de Galicia Santiago Rueda Rodríguez-Vila o documento privado de cesión do viveiro flotante asinado o 6.8.1987 entre Faustino Suárez Vázquez e Mª Dolores Dios Otero por un lado e Juan Allo Dios e Encarnación García Castelo polo outro.

Terceiro. Juan Allo Dios lega aos seus fillos, Salvador e Eugenio Allo García, a concesión administrativa e a batea Oubiña VI.

Cuarto. O informe do Servizo de Protección de Recursos sobre as características da batea é favorable.

b) Consideracións legais e técnicas.

Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro); e coa Orde do 8 de setembro de 2017, de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.

Segunda. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.

Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:

Autorizar a transmisión inter vivos, a favor de Encarnación García Castelo (35405163K), Salvador Allo García (35441375P) e Eugenio Allo García (35435054N), da concesión administrativa e da batea que se indica a seguir:

Identificación:

Tipo: batea.

Nome: Oubiña VI.

Situación:

Cuadrícula nº: 301.

Polígono: B.

Distrito: Vilagarcía (Pontevedra).

Especie autorizada: mexillón (Mytilus galloprovincialis).

Título habilitante: concesión.

Orde de outorgamento: 4.12.1963.

Remate da vixencia: 15.12.2019.

Actuais titulares: Faustino Suárez Vázquez (falecido) e Mª Dolores Dios Otero (35408502W).

Novos titulares: Encarnación García Castelo (35405163K), Salvador Allo García (35441375P) e Eugenio Allo García (35435054N).

Baixo as seguintes condicións:

Primeira. Os actuais titulares deberán presentar no prazo máximo dun mes, contado desde o día seguinte ao da publicación desta resolución no Diario Oficial de Galicia, orixinal ou fotocopia cotexada da seguinte documentación:

a) Solicitude ou carta de pagamento do imposto de transmisións patrimoniais do imposto de sucesións e doazóns.

Segunda. Transcorrido o prazo indicado na condición primeira sen ter presentado a documentación requirida, a autorización quedará sen efecto, logo de comunicación por parte da consellería.

Terceira. Os novos titulares da concesión quedan subrogados nos dereitos e obrigas dos anteriores desde o momento da formalización da compravenda en escritura pública.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

Vigo, 6 de novembro de 2017

A conselleira do Mar
P.D. (Orde do 8.9.2017)
Sonia Lorenzo Santos
Xefa territorial de Vigo