Para os efectos previstos na Lei 24/2013, do 26 de decembro (BOE núm. 310), e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Pet Select, S.A.
Enderezo social: Lg. da Baiúca, s/n, 15940 A Proba do Caramiñal.
Denominación: Proxecto: LMTS, CS e CT de 400 kVA, para subministración eléctrica a nave industrial.
Situación: Lg. da Baiúca, s/n, 15940 A Pobra do Caramiñal.
Características técnicas:
Liña de media tensión soterrada, con inicio e fin na liña de distribución PMR815, entre o CS 15CSX0 e o CT CZ69, logo de entrar e saír no CS proxectado, condutor RHZ1 2OL 12/20 kV 3(1×240 mm2), Al, lonxitude 25 + 25 m.
Centro de seccionamento en edificio prefabricado. Celas prefabricadas de entrada, saída e derivación con interruptores-seccionadores e unha de protección (24 kV, 400 A, 16 kA).
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións neste xefatura territorial, situada no Edificio Administrativo de Monelos, rúa Vicente Ferrer, 2, 1º andar, 15071 A Coruña, no prazo de vinte días, contados a partir do día seguinte á publicación, artigos 30 e 83 da Lei 39/2015, do 1 de outubro, do procedemento administrativo común das administracións públicas.
A Coruña, 23 de outubro de 2017
Isidoro Martínez Arca
Xefe territorial da Coruña