Eu, Susana Varela Amboage, secretaria do Xulgado do Social número 3 de Santiago de Compostela, fago saber que por resolución ditada no día 30.10.2016, no proceso seguido por instancia de Sergio Fabián Rodríguez Porto contra Electrónica Angueira, S.A. e o Fondo de Garantía Salarial, rexistrado co número PO 173/2016, acordouse notificar parte dispositiva do Decreto do 30 de outubro de 2017, ditado no procedemento seguido contra Electrónica Angueira, S.A., en ignorado paradoiro:

Decreto.

Letrada da Administración de xustiza: Susana Varela Amboage.

Santiago de Compostela, 31 de outubro de 2017.

Parte dispositiva:

Acordo:

– Ter por desistido Sergio Fabián Rodríguez Porto da súa demanda de reclamación de cantidade contra Electrónica Angueira, S.L.

– Arquivar as actuacións unha vez que sexa firme a presente resolución.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

E para que sirva de notificación a Electrónica Angueira, S.A. expídese este edicto para a súa publicación no Diario Oficial de Galicia e colocación no taboleiro de anuncios.

Santiago de Compostela, 7 de novembro de 2017

A secretaria xudicial