Nesta secretaría xeral recibiuse escrito do presidente da Sección Segunda da Sala do Contencioso-Administrativo do Tribunal Superior de Xustiza de Galicia, en relación co recurso contencioso-administrativo P.O. 4503/2017, interposto por Autocares Salvado, S.A., contra a Orde do 5 de xuño de 2017 de aprobación definitiva do Plan de accesibilidade do transporte interurbano ao centro urbano da Coruña.
Para os efectos de cumprir o solicitado no citado escrito, faise constar que o expediente xa foi remitido por esta secretaría á Sección Segunda do Tribunal Superior de Xustiza de Galicia nesta mesma data.
O que se notifica para o xeral coñecemento de todas as persoas interesadas no procedemento, que son emprazadas para poderen comparecer como demandadas nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 6 de novembro de 2017
Joaquín Macho Canales
Secretario xeral técnico da Consellería de Infraestruturas e Vivenda